[Y.S毒舌]係Youtube的責任

作為一個用youtube上傳影片既人，其實確保影片出倒街先係問題

早期拍攝打機片，甚至轉載Capcom cup asia 2014，hkesport計分賽賽事，當時只係想確保香港玩家片段唔想流失

而係GTA 5時期，玩玩下就知一樣野，就係版權音樂，呢樣野最大影響力，就係隨時令你既影片出唔倒街

而近期呢樣野就真係係GT Sport Beta Test真係出現過，影片重溫真係出唔倒街

咁就要關閉所有音樂

然而，當然敏感例子有人中之龍，因為如果只係想播打鬥場面亦都要好小心，一俾過場片出現一小部份，你段片就要重新剪左好多部份，但係成個故事體驗完，再係容許拍片既地方拍攝就反而變到遊戲變得乏味，例如人中之龍6係無小栗旬，北野武同籐原龍也，我都唔知隻遊戲可以做乜，唔通真係只係要玩Virtua fighter 5

但係偷跑，人地做你又要做，甚至做完又要唔認就真係要反省一下

所以用youtube分享影片就要自己守下規矩

[Y.S毒舌]偷跑直播被封，當事人毫無悔意

尋日係友人得知某youtuber被封，睇返主要原因就係偷跑直播Switch既super mario odyssey

但係其實任天堂係唔容許人地用佢地既軟件直播賺錢，而且係偷跑，今次確實係笑死人
先講返當事人
然而呢個當事人毫無悔意，係影片扮完可憐，又要扮哂野咁解釋，又話休息三個月等等廢話，仲要搵埋佢身邊好友出來撐場解畫

自問在下口才唔掂，成日只係見呢條友係活動阻住人影相

但係其實當事人既品行都已經係極仆街級數，單係到而家，我見唔倒有另一邊既人發炮還擊


至於講返直播或者影片上傳

近期pokken 重溫我放左幾段片上去，佢全部因版權而只准我上傳，但係例牌會send返封版權通知，通知我可以照播

但係如果嚴重小小，例如GT Sport，就因為有版權音樂，要你剪聲，但係如果段片太長，唯一一個方法就係要mute聲呢個係慣常做法保障影片可以出倒街

但係點都好，直播打機，要先熄聲就係最重要

[WP82018]華麗傳說2018 全新劇情曝光

2017年中期，邪鳳不敵邪帝之後，暫時離開邪教集團，四出尋找新拍檔
將所有邪教集團所有股份交左俾青蛇保管，青蛇本身係邪帝拍檔，亦係邪鳳好友，邪帝覺得青蛇可以掌握邪教集團
但係本身邪教集團由大C細S同邪后負責，另外50%股份就算有，青蛇都未能掌握大局

邪后物色左三個女性加入其組織，其中兩個正正同邪帝對立既女性
邪瑰及邪晴
，另一個就係青蛇前任拍檔，龍王
三個女性有同一個目標，就係要邪帝同青蛇慘敗收場



邪教內部混戰，一場女性內部混戰，比起邪帝同邪鳳單打獨鬥更加精彩

2018全新虛構情節，比起以往更強既超激戰

[其他]楊千嬅演唱會，點解內部認購超多

楊千嬅演唱會內部認購得咁多，點解公開門票又會太少，一票難求
主要就係贊助商係保險公司
其實佢既贊助商今次係AIA，某位任職AIA既tvb藝員十月四日已經開始內部認購，香港有咁多保險經紀
大部份都會認購左先

之後用黎俾返佢地既客戶去睇，唔係點解要請千嬅黎倒數做咩，就係想佢既經紀藉此搵多D生意

唔通要叫佢地去做義工，去祈下禱黎搵生意，
寧可經紀有門票去氹下班客去加大保額又好，介紹朋友投保又好，呢D係保險公司運作

想去買千嬅既門票

得，一係搵AIA既人幫手買

無錯，識倒人係好，但係要用對眼睇清楚，呢個係AIA贊助既活動
並唔係千嬅要控制倒既事，千嬅如果不斷加場，AIA一定會不斷內部認購門票

如果唔係AIA贊助就唔同，就會有另一種講法


所以行實名制又好，排隊又好，你係一定拎唔倒靚門票

[Y.S毒舌]令人不會再去的美酒佳餚節及蘭桂芳萬聖節

但係今次點解十月尾所有活動都唔去

向來一個人去玩
係美酒節其實有一件事我係以後唔會去
就係當時有個芝士試食活動，但其實一向都係我一個去，俾卷參加好容易
拍一拍就得，但係唔會退返

但係當你一搵位坐，唔知係唔係因為香港人垃圾思想問題，你唔識既話就唔俾你坐，又或者認為三唔識七就唔會俾你坐
雖然有一人座位，但係唔會俾你一個人，因為佢要預份量，諗住一張台一份

結果最後嘈左輪職員先俾倒張台坐埋分享一份芝士

講真句，一向你唔識就唔可以同一台，有都話無，呢D咪就係港人特色

但係其實我一向好芝士，試食完就算，不過呢件事，根本上唔需要再去呢D類似活動
係真係太過自私，我不如自己一個去買幾百元芝士自己係屋企歎

萬聖節仲死，我去左兩日發覺完全唔知做乜，星期六去都仲好D，起碼有得睇下野玩下
但係正日D人企埋一堆圍住人影相，成條路塞哂，最離譜就係富江擺人係蘭桂芳宣傳

講真句，你宣傳不如你地去阻街好過啦，企係心臟位置，有咩事起上黎全部走唔倒，我不如唔好去

最後走都走唔切


兩個活動，我不如留係屋企好過，自己享受下食野可能仲好

[遊戲專題]全新，二手，下載

Switch大收旺場，香港玩家要買Switch相當容易，只要有錢就可以買倒，日本就要靠排隊同埋抽獎形式先可以抽倒
相當容易
但係卻衍生一個問題，香港人買完一隻game試左一兩次就唔玩
隻遊戲之後變成二手賣出去

完全害左一班全新一手玩家，如果有部份遊戲出現貨源不足而導致無貨賣變相要買
已經開封左既二手遊戲

點解我一直堅持買實體全新遊戲，就係因為全新，無瑕疵，未開封
但係唔會去賣，因為作為一個半專業gamer，就一定唔會亂賣，除非就係部機真係停產或真係搵唔倒替代主機，甚至乎真係唔想玩，否則無必要都唔會去變賣

有人問下載都可以，俾錢，但係又浪費遊戲貯存空間，我不如買實體遊戲，除非遊戲真係只係得下載版就另作別論

但係因為有一班玩家連試玩版都無試，之後買左全新既遊戲，但之後唔玩而賣左去就變成二手貨，但係二手貨同全新商品價錢只係相距得幾元，咁我買全新還好，為何要購買二手貨

就係咁害死左一班想買全新既人

自從手機普及化後一直認為Switch就係有平版遊戲機既影子，但係相對地面臨一班人買完遊戲試玩一兩次就會放，完全影響一班想玩，但卻因為無貨而去買品質自稱良好既二手貨，講真

二手貨，有無事我又唔知
試完唔買又俾人唱，買完仲肉赤過買一手

所以我寧可搵相熟店鋪去訂遊戲，真係貴都唔怕，最重要係全新