[PS4]KOF14拳皇14初試玩

第一次試玩

[網台]Sagagamer tv暫定不定期節目安排

由於winning post 8 2016眼見做得太過有心無力的關係
所以而家決定暫時停止一段時間

所以將會再有新安排
先有復活節目
Stable Star 馬房物語
再同大家開鑼前重溫一下做練馬師的辛酸史
點解要玩練馬，鬼知呀

麻雀格鬥俱樂部
講開日麻當然太耐無打返，但係而家一定要打返，Esports會唔會有，我點知呀

爐石再來
爐石今次我會認真玩，但係...........我account又............救命呀



再黎兩三個新節目

格鬥遊戲回憶錄
每次講一隻懷舊格鬥遊戲但係唔會講得詳盡，大家可以睇下畫面點打就點打
當然有幾集將會同國內觀眾進行血戰，真人網戰加遊戲回憶


變態腦細
將會講經營系列的遊戲，包括手機APPS，教大家點樣經營的黑暗面，變成一個變態腦細

直播節目網址
www.twitch.tv/yoshikisteven

重溫
https://www.youtube.com/user/lovexjapan08

[電影]超期待的少女打擂台真係要返國內睇

其實有留意在下facebook
一路都有講開最想睇少女打擂台，但劉馬車辭演同埋宣傳同演員更加係豪華陣容
當中唔計後期我先知係japhk 的大須賀舞(麻衣)

只係張可義，小車呢兩位擂台少女都夠去睇，當初劉馬車又話演唔演，唉，如果俾我演咪好啦

但係可惜國內要二十五號先播

香港呢，真係遙遙無期，但係我其實真係最想睇呢套，可唔可以俾我出錢買無刪改版本呢

[音樂]雞全部都係雞見證速食文化的悲劇

一首（雞全部都係雞）能夠幫倒Y.S的sagagamertv上網絡紅人榜，但如果Y.S無去做，又上唔上倒位

呢個速食文化當第一日毛記盤菜瑩子同Y.S同時發力，之後有好多人不斷創作出黎，前者只需要彈奏一曲，後者竟然創作出不少改篇，成功上榜

但係要由搵歌曲，翻唱，對在下黎講真係確實不難
以前深井膠登時期因為一個員工啟發先後作左青山三劍俠，低B良之歌，賤肉橫生哈姆太郎同埋黃飛鴻之歌因為低B良，哈姆，黃飛鴻三大神級員工的啟發

到上年在下翻唱sugarbaby亦不濟
但係上個月在下因為伏伏伏伏伏，亦作左一首新歌，

但係呢個速食只係短短維持一個星期就已經收工

而家有人講瞀里，在下亦即時填上新曲，但係亦仍然不濟

但究竟係咩原因

[香港賽馬]快活谷啤酒園暫定攻略 (10月6日版本)

逢星期三，跑馬地有個啤酒園，當然飲酒玩game盡在此地
但係點玩先有著數

而家黎同大家睇下

1通常第一場7:15開跑，馬場約5:30開始俾公眾入場
但係有樣野要留意就係如果你去食自助餐，大可以去adrenaline或者the gallery食，但要訂位\，至少兩位起

2.啤酒園一入去，先拎免費馬簿，上二樓就有個充電區，先充電充到六點三四先落去
啤酒園有啤酒區，仲有主題區，買野食的話要盡快，因為人越多就越難買倒野食

右手邊會有promotor叫你支持下佢的page，分分鐘有意外驚喜(5/10賽馬日係冠忠promotor度拎左免費啤酒卷)

之後不妨可以上樓梯數碼區，除左有冷氣嘆下，仲有靚女promotor會叫你投注，完成之後就會有$15 coupoun兩張，個兩張夠你買多杯酒飲下啦

當然，每場賽事完結後會有人唱歌及表演
每個主題亦唔同
有D會搞競飲，會搞活動，留意一下就ok

如果你悶，又係新手唔知點賭馬，又想識下馬會PR及講師，可以走返去racingtouch區，個度會有個學堂會講50分鐘，有導師詳盡講解最基本的香港賽馬知識，而到開跑前五分鐘就會分析個場形勢
你聽完落完注，佢地靚靚PR會同你傾下買咩馬，中唔中，而最重要就係由於會講兩場，到第二場佢地會帶你入沙圈睇完馬就上返去拎返份禮物，有馬公仔同T恤

如果嫌50分鐘太長，佢地會有個二十分鐘的簡易版本


3.其實外國人睇馬好鐘意we 嘩鬼叫，先叫做夠氣氛，香港就識得扮專家，不過睇你決定去邊個位，但係有時有靚女不妨可以識下

4.如果覺得十點鐘係啤酒圍唔夠喉，可以去adrenaline，個度十點後自購一杯特色飲品

5.10:15之後坐電車係相當多人排隊，你可以等夜小小走亦得，但係時間就可以早小小，另外完左尾場離開就盡快加多幾部電車送你地快小小走

[奧運]最適合形容TVB最官方評述的奧運舊作 [2000奧運加油日本 game boy]

最能貼切呢幾日tvb奧運直播的遊戲作品

遊戲真係好簡單，連打及音樂感就已經足夠
十個項目都好多呢



TVB係以前搞奧運宣傳一定有三大特色
遊戲，啦啦隊同埋明星

遊戲方面每次都會有遊戲環節，都會係體育遊戲

尤其啦啦隊，過往tvb係任何節目都會係開頭加入一班女仔做啦啦隊，舉起兩個啦啦球黎fing
最記得由阿特蘭大，悉尼，到雅典都有，但由京奧開始呢個特色慢慢取消

反而變到國內掀起返啦啦隊狂熱

至於明星就唔駛講啦

[賽馬]還大運財一個公道

尋晚上演的紀爾斯大賽，大運財當場身亡，此馬首度遠征法國就已經出事
其實馬匹身亡的消息已經好多媒體已經作出報導

唯獨香港賽馬會官方網站可以夠膽死唔作報導

以往並唔係第一次，2008年騏綵戰死星洲馬會也無對此事作出報導
當然唔止騏綵，2005年香港短途錦標冠軍電光火力呢匹由澳門轉戰香港的國際名駒
亦無作報導

馬會係唔係真係無人道到連馬匹遠征海外的消息也遭到抹殺而不報導

此事已經不是第一次，但係點都還馬主，騎練，馬迷一個公道

[Play Station Girl]回憶錄篇

近十幾年黎，Sony play station的gamegirl真係好多，尤其係以2004-2006年呢三年每年都有至少多過三十名助陣

當然同大家細數一下有幾位大家諗唔倒的gamegirl

左邊為當年未上位的vienna lin，其實係2003年亞洲遊戲展曾經做過playstation gamegirl
但係7年後的佢成熟左好多，亦係bio hazard 超級fans

36號個位就係之後係super gear成員milky leung

當年2006年冠軍mandy wong 而家仲係model圈打滾，差唔多已經十年了

Ceci亦係2006年出道，而2008年的佢更加顯得成熟好多

[動漫節2016]Day3 回顧

已經到第三日，然而sony的台灣gamegirl亦於今日離開，而在下亦知道今日亦要去做最後影相活動及進行gamegirl比賽拍攝

而專區的學校霸王亦進行閉門賽事，加上另一邊XBOX展區亦上演forza 6的預選賽

在下亦首先報名參賽，今次採用手掣，而唔係真係上車，加上怕排隊人次太多，造出時間亦不能進入下午決賽賽事

之後十二點大舞台仍上演Cosplay比賽之後亦開始上演Sony playstation girl比賽活動

今年冠軍係rose ma ，上年開始已經相當注目，最主要都係因為LOL香港女子隊隊長而成名
亦有開台進行直播的gamer，人氣當然強橫

而當然最後亦把握機會跟台灣來的gamegirl合照

當然呢兩位gamegirl亦好似................互相合照.............好似係
而在下仍然係等候gamegirl期間，拳皇14亦有聚集大量高手交流
當中亦請來當年參加鬥劇的五月及國內的程龍

而今次參加挑戰賽的冠軍可以獲得親筆簽名原畫一張

[動漫節2016]Day2 直闖PS Plus會員專區

一如上年，sony都會直接開出個sony playstation plus會員區俾會員試玩遊戲，影相及觀賞1/F直播的區域

當然今年我主打有拳皇14，watch dogs 2，及GT Sports
但係十一點幾去到拳皇14幾乎空機無人打，在下亦開始嘗試體驗新角色
好多人都會用返八神，紅丸呢類角色，但在下會嘗試用以外角色，例如京劇女
或者其他新角，當練習緊的時間，當然職員怕我一個人打機太悶

 


亦開始找來Gamegirl黎交流一下
當然在下亦會捉緊這次機會去幫佢地影相，其實1/F係星期六，日的情況係相對地惡劣得多，人多，影師多，場面混亂，除非1/F真係有節目，例如上年街霸5梅原大吾到場交流，就一定會係1/F比較多，再加上今年台灣gamegirl訪港的時間，其實大部份只係很短暫停留，之後回到台灣進行活動

所以要影相真係要好好把握

而職員亦相當友善，亦讓在下去影相，影完相後就離開了

[動漫節2016] 第一日回顧

今年動漫電玩節唔似上年咁要第二日入，再加上承繼上年有D意想不到的經驗今次轉變左好多
而第一日一早去到，因為今年在下收VIP入場卷加上E-banner送出的兩張入場卷就可以足以證明先睹為快的體驗

係VIP區排隊只有一個小彎所以1015可以準時入場
一入場先黎就係四位sony play station gamegirl歡迎大家入場，因為1B入口最近playstation

而之後在下亦唔係走一個圈，因為時間許可，係要去追尋某一個著名代言人，但係佢等候買野，而在下亦四圍走下

係等候時間，銀河電影帝國又走過去展區度合照，一口氣成為圍影對象

走到XBOX 今年以forza同formula e作為主打菜，故試玩人數很多

Madhead係今年如常大派禮物及以台灣美女軍團作為賣點，加上每日都有神魔之塔及時空之門表演環節，令每日都有一個定時直播室

6wave除左以熱血高校及逐鹿三國外，還展出一系列懷舊物品

令人神奇就係友台Japhk講明分分鐘之後會有賭場，但係真係估唔倒會有，還叫小朋友去賭，呢種手法真係相當嚇人，不過要數賭場遊戲，十一年前真係有隻賭神online真係有展出過呢

之後到本地創作的香港感染VR遊戲，亦成為排隊要點

Gameone今年以高達online及魔法軍團作為賣點，但係今年賣貨數量相對地離講比較差左小小

轉個返返去play station攤位，某著名人士走到sony拍照區前作主題拍照，但拍完係會係mon度出現及獲得一張相片，而在下有幸看見某著名人士的主題拍照，相信好難得，並且分享出去

Sony開幕儀式陣容相當大，第一次於動漫節出現的GT之父山內一典亦首度出現

完左開幕禮之後，Rose Ma同Carrie亦到台下招呼影師

而今日最重要的sony playstation展區重頭戲就係GT Sport，而今集並且簡單講解系統玩法，而在下亦有幸參加這次握手活動

而另一個重頭戲就係KOF14網紅表演，但係...........大家會聯想到表演者可能係上年打街霸個兩位...............就係咁完左第一日

之後第二日因為已經知會場太多人，會比較難入去，而第二日在下決定轉戰Playstation plus展區